تخيل لو في دواء واحد ممكن يساعدك تخس وزن، يسيطر على سكر الدم، ويقلل خطر الإصابة بأمراض القلب…
دواء أطباء العالم بيسموه (Game Changer) أو الدواء اللي غيّر القواعد!
النهاردة هنتكلم عن ثورة GLP-1… وهنعرف مع بعض: إيه هو؟ بيشتغل إزاي؟ مين يقدر يستخدمه؟ وإيه المخاطر اللي لازم ناخد بالنا منها.
خليك معايا للنهاية… عشان هقوللك هل فعلاً هو “المعجزة” اللي الناس فاكرينها ولا لأ!”
هرمون GLP-1)
“GLP-1 مش اسم دواء، دي في الأصل مادة طبيعية جسمنا بيطلّعها.
وظيفتها: تنظم السكر في الدم، وتبطّأ حركة المعدة، وتدي إحساس بالشبع.
الأدوية الجديدة دي ببساطة نسخ صناعية مطورة من GLP-1 الطبيعي… لكن بقوة وتأثير أطول.”
الأدوية دي بتشتغل في 3 اتجاهات:
1️⃣ بتبطّأ إفراغ المعدة → فتشبع أسرع وتاكل أقل.
2️⃣ بتنشّط البنكرياس → يفرز إنسولين أكتر بعد الأكل.
3️⃣ بتقلل هرمون الجلوكاجون → اللي بيرفع السكر في الدم.
والنتيجة؟ سكر متوازن… وجسم يخس من غير ما تحس بجوع شديد.”
في الأساس اتعملت لمرضى السكري من النوع التاني.
لكن مع الوقت اكتشفوا إنها فعّالة جدًا في إنقاص الوزن حتى لغير مرضى السكري.
عشان كده بقت أشهر الأدوية اللي العالم كله بيتكلم عنها النهاردة
الدراسات بتقول إن المريض ممكن يخسر من 10 لـ 15% من وزنه خلال سنة.
غير كده، الأدوية دي قللت نسبة جلطات القلب عند مرضى السكر.
يعني مش بس تخسيس… دي كمان حماية للقلب والأوعية الدموية.”
شوف الفيديو للآخر وسيبلي رئيك في الكومنتات
ولو عاوز تستفسر عن اي حاجه ،تابعني على
لينك جروب الفيسبوك
الانستجرام
جروب التليجرام
#التخسيس #فقدان_الشهية #حرق_دهون
コメント